სამეცნიერო საბჭო

16 მარტიდან სამეცნიერო ჟურნალი “სამართლის მაცნე” საერთაშორისო გლობალურ ბაზა ROAD – ში ინდექსირდება.

ROAD გახლავთ ღია წვდომის სამეცნიერო რესურსების (სამეცნიერო ჟურნალების, კონფერენციების მასალების, აკადემიური საცავები და სხვა.) გლობალური და ინტერდისციპლინარული სისტემა (კატალოგი), რომელიც შეიქმნა 2013 წელს.

ROAD შექმნილია ISSN – ს სერიული რესურსების იდენტიფიკაციის საერთაშორისო სისტემის ბაზაზე.

ROAD მიზნად ისახავს ინფორმაციასთან და ცოდნასთან საყოველთაო წვდომას, შენახვას, სამეცნიერო რესურსებთან წვდომის გაიოლებას, ამ რესურსების სარედაქციო ხარისხის შეფასებას და სამეცნიერო საზოგადოების მიერ მათ გამოყენებას. იუნიესკომ ROAD – ს შექმისათვის სერიული პუბლიკაციების რეგისტრაციის ცენტრთან (CIEPS) ერთად გააერთიანა ძალისხმევა. CIEPS არის იუნესკოს ეგიდით შექმნილი მეორე კატეგორიის ცენტრი.

ROAD შექმნილია ISSN (სერიული რესურსების იდენტიფიკაციის საერთაშორისო სისტემა) სისტემაზე და აკავშირებს სხვადასხვა წყაროდან შემოსულ მონაცემებს, ისეთები როგორიცაა სამეცნიერო ინდექსები და რჩეული რეესტრები მიძღვნილი სამეცნიერო პუბლიკაციებისათვის.

ROAD მხარს უჭერს ISSN – ს საერთაშორისო ცენტრი და იუნესკო. იგი ხელმისაწვდომია იუნესკოს ღია წვდომის გლობალური პორტალით  (GOAP).

ROAD წარმოადგენს ღია წვდომის სამეცნიერო რესურსების ხარისხის და ღია წვდომის მოდელის განვითარების შეფასების და დაკვირვების უნიკალურ ინსტრუმენტს მთელს მსოფლიოში.

ROAD გახლავთ უკვე მეორე საერთაშორისო ბაზა, რომელშიც ჟურნალი “სამართლის მაცნე” ინდექსირდება.

ჟურნალი „სამართლის მაცნეს“ უცხოელ სარედაქციო კოლეგიის წევრს, თიუბინგენის უნივერსიტეტის იურიდიული ფაკულტეტის პროფესორ ბერნდ ჰაინრიხს სამართლის მეცნიერთა კავშირის საპატიო წევრის სტატუსი მიენიჭა!

ბატონ ბერნ ჰაინრიხს  ვულოცავთ კავშირის საპატიო წევრის სტატუსის მინიჭებას.

საერთაშორისო სამეცნიერო ჟურნალი „სამართლის მაცნე“ აცხადებს სტატიების კონკურსს ჟურნალის მესამე (ივლისის) ნომრისთვის.

ჟურნალი გამოდის ელექტრონული სახით და ქვეყნდება ვებგვერდზე: www.heraldoflaw.com

„სამართლის მაცნე“ გახლავთ  „სამართლის მეცნიერთა კავშირი“ ს პერიოდული გამოცემა.

ჟურნალს მინიჭებული აქვს საერთაშორისო გრიფი  ISSN 2667-9434.

კონკურსის თემატიკა

ჟურნალში გამოქვეყნებისთვის, კონკურსზე მიიღება სამეცნიერო სტატიები, აქტუალურ საკითხებზე, სამართლის, ადამიანის უფლებების და სახელმწიფო მართვის თემაზე, რომლებიც შეიცავენ მეცნიერულ სიახლეს და აქვთ მაღალი სამეცნიერო ღირებულება.

ავტორები

ჟურნალში გამოქვეყნებისთვის გამოცხადებულ კონკურსში, მიიღება სამართლის დარგის ქართველი და უცხოელი მეცნიერების/მკვლევარების და დოქტორანტების სამეცნიერო სტატიები.

გამონაკლის შემთხვევებში, კონკურსში მიიღება სხვა დარგის ავტორების სამეცნიერო სტატიები, ჟურნალის თემატიკაზე, მათი აქტუალობის, მნიშვნელობის და განსაკუთრებული სამეცნიერო ღირებულებების გათვალისწინებით.

სტატიების ენა

კონკურსზე შეიძლება წარმოდგენილ იქნას სამეცნიერო სტატიები ჟურნალში გამოსაქვეყნებლად, ქართულ, ინგლისურ, გერმანულ და რუსულ ენებზე (ინგლისურენოვან აბსტრაქტთან ერთად).

სტატიების წარმოდგენის ვადა

სტატიების წარმოდგენის ბოლო ვადაა 2021 წლის 30 აპრილი.

საავტორო უფლებები

ჟურნალი იცავს შემოსულ და გამოქვეყნებულ მასალებზე მატერიალურ, თუ არამატერიალურ საავტორო უფლებებს.

რედაქციის მიერ სტატიის გამოქვეყნების შესახებ გადაწყვეტილების მიღების შემთხვევაში, ავტორი ვალდებულია სტატიის გამოქვეყნებამდე ნაშრომზე განსაკუთრებული უფლება გადასცეს რედაქციას, რაც უნდა დაადასტუროს შესაბამის განცხადებაზე ხელმოწერით და რედაქციის მოთხოვნის შემთხვევაში შესაბამისი ლიცენზიის გადაცემით.

ლიცენზია არ გულისხმობს ავტორის არაქონებრივი უფლებების გადაცემას. ავტორებს უფლება აქვთ გადაამუშავონ საკუთარი ნაშრომები, თუმცა მათ ევალებათ, რომ ჟურნალი მიუთითონ როგორც პირველადი გამოცემის წყარო.

ჟურნალში ნაშრომები გამოქვეყნდება – creative commons ლიცენზიით ( CC BY CA).

აღნიშნული ლიცენზიის თანახმად შესაძლებელია ჟურნალში გამოქვეყნებული ნაშრომების გამოყენება ნებისმიერი, მათ შორის კომერციული მიზნებისათვის, მაგრამ წყაროს მითითების ვალდებულებით.

ამ ლიცენციით ნებისმიერი პირი უფლებამოსილია გააზიაროს, გაავრცელოს, გაუკეთოს რეპროდუქცია ჟურნალს და ჟურნალის ნაწილებს, მაგრამ ასევე წყაროს მითითების ვალდებულებით (მათ შორის ვებგვერდის მისამართის).

ჟურნალში გამოქვეყნებული მასალის ცვლილების შემთხვევაში აღნიშნულ პირებს ეკისრებათ ამ ცვლილების შესახებ მითითება.

ყველა ახალი ნაშრომი, რომელიც დაფუძნებული იქნება ამ ჟურნალში გამოქვეყნებულ მასალაზე, ლიცენზირებული უნდა იყოს იმავე პირობებით როგორც ჟურნალში მითითებული გამოყენებული მასალა.

ჟურნალში აღინიშნება creative commons ლიზენცის თაობაზე.

სტატიების მიღების წესი

კონკურსში მონაწილეობის მისაღებად, გთხოვთ სტატიები გამოაგზავნოთ შემდეგ ელექტრონულ ფოსტაზე: info@heraldoflaw.com

ავტორი სტატიასთან ერთად  აგზავნის ავტორის დეკლარაციის ფორმას შევსებულს  მიბმული ფაილის სახით, ასევე მის შესახებ მოკლე ინფორმაციას და საკონტაქტო მონაცემებს, რომელიც შეინახება რედაქციის არქივში.

სტატიის ატვირთვა და ჟურნალის ელ.ფოსტაზე გამოგზავნა შესაძლებელია ასევე ჟურნალის ვებგვერდზე.

 

სტატია გამოგზავნილი უნდა იყოს დადგენილი სტატიების გაფორმების წესის შესაბამისად.

რედაქცია ამოწმებს წარდგენილი ნაშრომის შესაბამისობას, სტატიების გაფორმების დადგენილ წესთან.

რედაქცია არ მიიღებს და არ განიხილავს სტატიას, რომელიც არ იქნება ამ წესის დაცვით შესრულებული და რომელიც არ შეესაბამება სტატიების პუბლიკაციის ეთიკის სტანდარტებს. რედაქტორს, ასეთ შემთხვევაში, თუ საჭიროდ და შესაძლებლად ჩათვლის რეცენზენტებთან გაგზავნამდე, შეუძლია ავტორს მისცეს რეკომენდაციები და შესთავაზოს სტატიის გაფორმება დადგენილი წესის შესაბამისად, რისთვისაც მას განუსაზღვრავს დროს. ავტორის მიერ რედაქციის რეკომენდაციების სრულად გათვალისწინების შემთხვევაში, სტატია მიიღება განსახილველად.

სტატიის ჟურნალის რედაქციაში გამოგზავნით, ავტორი ადასტურებს, რომ ის გაცნობილია და ეთანხმება ჟურნალის სტატიების პუბლიკაციის ეთიკას, კონცეფციას, სტატიების კონკურსის წესს და სტატიების გაფორმების წესს.

ავტორმა, ჟურნალში სტატიის გამოქვეყნებამდე, საკონტაქტო ინფორმაციის შეცვლის შემთხვევაში, დროულად უნდა აცნობოს მისი ახალი საკონტაქტო ინფორმაცია. წინააღმდეგ შემთხვევაში, ნებისმიერი შეტყობინება გაიგზავნება თავდაპირველ ელექტრონულ მისამართზე ან მის საკონტაქტო ტელეფონზე და ჩაითვლება ჩაბარებულად.

რედაქციის პასუხისმგებელი თანამშრომელი თავად დაუკავშირდება სტატიის ავტორს (რამდენიმე ავტორის მიერ წარმოდგენილი სტატიის შეთხვევაში კი ერთ -ერთ ავტორს).

სტატიების განხილვის წესი

ავტორის მიერ გამოსაქვეყნებლად წარდგენილი სტატია, შესაფასებლად, ეგზავნება ორ რეცენზენტს, რომელსაც ირჩევს მთავარი რედაქტორი ან მისი დავალებით რედაქტორი.

რეცენზირება ხდება სტატიის რეცენზირების დადგენილი წესის თანახმად.

სტატიის რეცენზირება წარმატებით გავლილად მიიჩნევა, ორივე დადებითი რეცენზიის მიღების შემთხვევაში.

კონკურსის შედეგები

ჟურნალში გამოქვეყნდება ის სტატიები, რომლებიც მიიღებენ ყველაზე მაღალ ქულებს რეცენზირების შედეგად.

ჟურნალში გამოქვეყნდება სულ 15 სამეცნიერო სტატია.

სტატიების კონკურსს მიღმა დარჩენილი ნაშრომები, მათი ავტორების თანხმობის შემთხვევაში, მიიღებენ მონაწილეობას შემდეგ გამოცემისთვის გამოცხადებულ სტატიების კონკურსში. ამისთვის ავტორებს აღარ დასჭირდებათ თავიდან ამ სტატიების რედაქციაში გამოგზავნა. ასევე, აღნიშნული სტატიები აღარ გაივლიან რეცენზირებას და მათ უნარჩუნდებათ წინა კონკურსში რეცენზენტების მიერ შეფასებული ქულები.

რეფერირება და ინდექსირება

ჟურნალი რეფერირდება ინსტიტუტ ტექინფორმის ქართულ რეფერატულ ჟურნალში (ქრჟ).

ჟურნალი ინდექსირდება 2 გლობალურ საერთაშორისო სამეცნიერო ბაზაში: ISI (International scientific indexsing) და ROAD 

დამატებითი ინფორმაციისთვის დაგვიკავშირდით: მობ. 599177573; ელ-ფოსტა: info@heraldoflaw.com

დანართი

ავტორის დეკლარაციის ფორმა

დღეს, 2021 წლის 9 მარტს 12 საათზე „სამართლის მეცნიერთა კავშირის“ გამოცემა საერთაშორისო სამეცნიერო ჟურნალ „სამართლის მაცნეს“ მეორე ნომრის წარდგენის ღონისძიება პლათფორმა ზუმის მეშვეობით.

ღონისძიება გაიმართა „სამართლის მეცნიერთა კავშირის“ და მისი გამოცემა საერთაშორისო სამეცნიერო ჟურნალ „სამართლის მაცნეს“ ორგანიზებით.

ღონისძიებას ესწრებოდნენ სამეცნიერო წრეების თვალსაჩინო წარმომადგენლები და მკვლევარები ასევე მოსამართლეები.

ღონისძიებაზე საკუთარი სტატიები წარადგინეს ჟურნალის მეორე ნომრის ავტორებმა:

მარიამ გაიპარაშვილი

არამართლზომიერი ქმედების შედეგად სიცოცხლისა და დაბადების საქმეები – შედარებითსამართლებრივი ანალიზი

გიორგი ლორია

სიკვდილის აკრძალვა და ღირსეული სიცოცხლის უფლება

ვახტანგ მურადაშვილი

სახელმწიფოს როლი მსჯავრდებულის რესოციალიზაციის პროცესში

ელენე კავთუაშვილი

ბავშვის უფლება, იყოს მოსმენილი არასრულწლოვანთა მართლმსაჯულების პროცესში

გიორგი გამხიტაშვილი

მიზეზობრიობის ზოგიერთი პრობლემური ასპექტი შერეული უმოქმედობით ჩადენილ დანაშაულში

ნათია ბუბუტეიშვილი

პრაქტიკაში ქალ მსჯავრდებულთა პირობით ვადაზე ადრე განთავისუფლების თავისებურებები, მათ შორის თავისუფლების აღკვეთის უფრო მსუბუქი – არასაპატიმრო სასჯელით შეცვლისას

ნინო ქიტოშვილი

სასჯელის მიზნის მიღწევის სირთულეები პენიტენციურ დაწესებულებაში

თამარ მსხვილიძე

უცხოური სამართლის არგამოყენების ძირითადი ფაქტორები საერთაშორისო კერძო სამართალში

ანა კუჭუხიძე

ფორმალური კონსტიტუციური კონტროლი – კანონმდებლობისა და პრაქტიკის ანალიზი

სალომე სიჭინავა, თინათინ ქავთარაძე, სალომე მურადაშვილი

საჯარო მმართველობის რეფორმის (PAR) გავლენა მუნიციპალური სერვისების ხარისხზე საქართველოში და მათი შესაბამისობა კარგ მმართველობასთან

დასასრულს გაიმართა საინტერესო დისკუსია.

ღონისძიების სრული ვიდეო ჩანაწერი შეგიძლიათ იხილოთ აქ:

გიწვევთ საერთაშორისო სამეცნიერო ჟურნალ „სამართლის მაცნეს“ მეორე ნომრის წარდგენის ღონისძიებაზე.

საერთაშორისო სამეცნიერო ჟურნალი “სამართლის მაცნე“ გიწვევთ სამართლის დარგის მეცნიერებს, მკვლევარებს, ჟურნალის მეორე ნომრის წარდგენის ღონისძიებაზე.

ღონისძიება გაიმართება 2021 წლის 9 მარტს 12 საათზე  დისტანციურად,  პლათფორმა ზუმის მეშვეობით.

დისკუსიაში მონაწილეობის მსურველები შეგიძლიათ დარეგისტრირდეთ 8 მარტის ჩათვლით აქ განთავსებულ სარეგისტრაციო ბმულზე  და გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.

დღის წესრიგი

12 ¹⁰ – 12 ¹⁵

მისალმება, ჟურნალის წარდგენა – სამართლის მეცნიერთა კავშირის თავმჯდომარე, ჟურნალის მთავარი რედაქტორი ზურაბ ჭყონია.

„სამართლის მაცნეს“  მეორე ნომერში გამოქვეყნებული სტატიების პრეზენტაცია:

12¹⁰ – 12 ¹⁵

მარიამ გაიპარაშვილი

არამართლზომიერი ქმედების შედეგად სიცოცხლისა და დაბადების საქმეები – შედარებითსამართლებრივი ანალიზი

12¹⁵– 12 ²⁰

გიორგი ლორია

სიკვდილის აკრძალვა და ღირსეული სიცოცხლის უფლება

12²⁰-12²⁵

ვახტანგ მურადაშვილი

სახელმწიფოს როლი მსჯავრდებულის რესოციალიზაციის პროცესში

12²⁵-12³⁰

ელენე კავთუაშვილი

ბავშვის უფლება, იყოს მოსმენილი არასრულწლოვანთა მართლმსაჯულების პროცესში

12³⁰-12³⁵

გიორგი გამხიტაშვილი

მიზეზობრიობის ზოგიერთი პრობლემური ასპექტი შერეული უმოქმედობით ჩადენილ დანაშაულში

12³⁵-12⁴⁰

ნათია ბუბუტეიშვილი

პრაქტიკაში ქალ მსჯავრდებულთა პირობით ვადაზე ადრე განთავისუფლების თავისებურებები, მათ შორის თავისუფლების აღკვეთის უფრო მსუბუქი – არასაპატიმრო სასჯელით შეცვლისას

12⁴⁰-12⁴⁵

ნინო ქიტოშვილი

სასჯელის მიზნის მიღწევის სირთულეები პენიტენციურ დაწესებულებაში

12⁴⁵-12⁵⁰

თამარ მსხვილიძე

უცხოური სამართლის არგამოყენების ძირითადი ფაქტორები საერთაშორისო კერძო სამართალში

12⁵⁰-12⁵⁵

ანა კუჭუხიძე

ფორმალური კონსტიტუციური კონტროლი – კანონმდებლობისა და პრაქტიკის ანალიზი

12⁵⁵-13⁰⁰

სალომე სიჭინავა, თინათინ ქავთარაძე, სალომე მურადაშვილი

საჯარო მმართველობის რეფორმის (PAR) გავლენა მუნიციპალური სერვისების ხარისხზე საქართველოში და მათი შესაბამისობა კარგ მმართველობასთან

13⁰⁰-12²⁰

თავისუფალი სიტყვა- მოწვეული სტუმრები

13¹⁵– პრეზენტაციის დახურვა

2021 წლის 19 თებერვალს, „სამართლის მეცნიერთა კავშირის“ და საერთაშორისო სამეცნიერო ჟურნალ „სამართლის მაცნეს“ ორგანიზებით გაიმართა ონლაინ საერთაშორისო სამეცნიერო დისკუსია თემაზე „საზოგადოებათა სამართლის ადგილი სამართლის სისტემაში” (გერმანული მოდელის მაგალითზე).

ღონისძიებას ესწრებოდნენ სამართლის დარგის მეცნიერები, მკვლევარები, მოსამართლეები და ნოტარიუსები.

შეხვედრაზე მოხსენებებით წარსდგნენ:

• პროფესორი კარსტენ შეფერი (გერმანია)

მოხსენების თემა – საზოგადოებათა სამართლის გერმანული მოდელი.

• ასოც. პროფესორი როინ მიგრიაული (საქართველო)

მოხსენების თემა – საზოგადოებათა სამართლის ქართული მოდელი და საზოგადოებათა სამართლის შემოღების           აუცილებლობა.

მოხსენებების შემდეგ გაიმართა დისკუსია.

პროფესორი კარსტენ შეფერი 2002 წლიდან დღემდე გახლავთ მანჰაიმის (გერმანია) უნივერსიტეტის სამოქალაქო, სავაჭრო და საზოგადოებათა სამართლის კათედრის გამგე. ის გახლავთ მრავალი სამეცნიერო ნაშრომის ავტორი. ბატონი კარსტენი არის ავტორი წიგნისა „საზოგადოებათა სამართალი“. 2018 წელს გამოიცა წიგნის მე-5 გადამუშავებული გამოცემა, რომელიც 2019 წელს, საქართველოს ნოტარიუსთა პალატის, ფინანსური და ორგანიზაციული მხარდაჭერით, ქართულ ენაზე თარგმნა პროფესორმა როინ მიგრიაულმა.

ბატონი როინ მიგრიაული გახლავთ სამართლის მეცნიერთა კავშირის წევრი, სამართლის დოქტორი, კავკასიის საერთაშორისო უნივერსიტეტის ასოცირებული პროფესორი, საადვოკატო ბიურო „მიგრიაული და პარტნიორების“ დამფუძნებელი და ხელმძღვანელი პარტნიორი. ის არის მრავალი სამეცნიერო პუბლიკაციის ავტორი.

ღონისძიება გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

დისკუსიის სრული ვიდეო ჩანაწერი შეგიძლიათ იხილოთ ამ ბმულზე:

გიწვევთ ონლაინ საერთაშორისო სამეცნიერო დისკუსიაზე „საზოგადოებათა სამართლის ადგილი სამართლის სისტემაში“ (გერმანული მოდელის მაგალითზე)

„სამართლის მეცნიერთა კავშირი“ და მისი გამოცემა, საერთაშორისო სამეცნიერო ჟურნალი ‘სამართლის მაცნე“ გიწვევთ სამართლის დარგის მეცნიერებს და მკვლევარებს ონლაინ საერთაშორისო სამეცნიერო დისკუსიაზე  „საზოგადოებათა სამართლის ადგილი სამართლის სისტემაში (გერმანული მოდელის მაგალითზე)“.

ღონისძიება გაიმართება 2021 წლის 19 თებერვალს, 17:00 ზე, ზუმის პლატფორმით. გერმანულ – ქართული თარგმანი უზრუნველყოფილი იქნება.

მომხსენებელები:

• პროფესორი კარსტენ შეფერი (გერმანია)

მოხსენების თემა – საზოგადოებათა სამართლის გერმანული მოდელი.

• ასოც. პროფესორი როინ მიგრიაული (საქართველო)

მოხსენების თემა – საზოგადოებათა სამართლის ქართული მოდელი და საზოგადოებათა სამართლის შემოღების           აუცილებლობა.

პროფესორი კარსტენ შეფერი 2002 წლიდან დღემდე გახლავთ  მანჰაიმის (გერმანია) უნივერსიტეტის სამოქალაქო, სავაჭრო და საზოგადოებათა სამართლის კათედრის გამგე. ის გახლავთ მრავალი სამეცნიერო ნაშრომის ავტორი. ბატონი კარსტენი არის ავტორი წიგნისა „საზოგადოებათა სამართალი“.  2018 წელს გამოიცა წიგნის მე-5 გადამუშავებული გამოცემა, რომელიც 2019 წელს, საქართველოს ნოტარიუსთა პალატის, ფინანსური და ორგანიზაციული მხარდაჭერით, ქართულ ენაზე თარგმნა პროფესორმა როინ მიგრიაულმა.

ბატონი როინ მიგრიაული გახლავთ  სამართლის მეცნიერთა კავშირის წევრი, სამართლის დოქტორი, კავკასიის საერთაშორისო უნივერსიტეტის ასოცირებული პროფესორი, საადვოკატო ბიურო „მიგრიაული და პარტნიორების“ დამფუძნებელი და ხელმძღვანელი პარტნიორი. ის არის მრავალი სამეცნიერო პუბლიკაციის ავტორი.

მოხსენებების შემდეგ გაიმართება დისკუსია.

ღონისძიება გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

შეხვედრის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდებზე.

დისკუსიაში მონაწილეობის მსურველები შეგიძლიათ დარეგისტრირდეთ 17 თებერვლის ჩათვლით აქ განთავსებულ სარეგისტრაციო ბმულზე  და გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.

 

2020  წლის  4 დეკემბერს „სამართლის მეცნიერთა კავშირის“ და საერთაშორისო სამეცნიერო ჟურნალი ‘სამართლის მაცნეს“ ორგანიზებით გაიმართა ონლაინ საერთაშორისო სამეცნიერო დისკუსია თემაზე “თანამონაწილეობის საკვანძო ასპექტები საქართველოსა და ლათინური ამერიკის ქვეყნების სისხლის სამართალში (ჩილეს მაგალითზე).

შეხვედრაზე ერთ საათიანი მოხსენებით წარსდგა პროფესორი  გუსტავო ბალმასედა ჰოიოსი ჩილედან.

ბატონი გუსტავო ბალსამედა გახლავთ სალამანკას უნივერსიტეტის სამართლის დოქტორი (ესპანეთი), სისხლის სამართალში, ჩილეს სამართლის შემსწავლელთა ცენტრის აკადემიური დირექტორი, ადვოკატი სისხლის სამართლის სპეციალიზაციით, 40 მდე სამეცნიერო პუბლიკაციის ავტორი.

დისკუსიაში მონაწილეობდნენ: ჩილედან ფინეს ტერას უნივერსიტეტის სამართლის სკოლის დირექტორი და პროფესორი, სამართლის დოქტორი, ალეხანდრო ლეივა ლოპესი, ადვოკატი მაზიელ გალვესი, ლეონდო ოლივარესი და როზა ჩიპოკო, ასევე ქართული სამეცნიერო წრეების, უნივერსიტეტების, სასამართლო და აღმსარულებელი ხელისუფლების წარმომადგენლები, ადვოკატები და სტუდენტები.

ესპანურიდან თარგმანი უზრუნველყო სამართლის მეცნიერთა კავშირის წევრმა, პროფესორმა კახა წიქარიშვილმა.

დისკუსიის სრული ვიდეო ჩანაწერი შეგიძლიათ იხილოთ ამ ბმულზე:

 

 

„სამართლის მეცნიერთა კავშირი“ და საერთაშორისო სამეცნიერო ჟურნალი ‘სამართლის მაცნე“ გიწვევთ სამეცნიერო წრეების, უნივერსიტეტების და ხელისუფლების წარმომადგენლებს, ასევე პრაქტიკოს იურისტებს, ადვოკატებს, მოსამართლეებს და პროკურორებს, ონლაინ სამეცნიერო დისკუსიაზე “თანამონაწილეობის საკვანძო ასპექტები საქართველოსა და ლათინური ამერიკის ქვეყნების სისხლის სამართალში (ჩილეს მაგალითზე).

ღონისძიება გაიმართება 2020 წლის 4 დეკემბერს, 16:00 ზე, ზუმის პლატფორმით. ესპანურ-ქართული თარგმანი უზრუნველყოფილი იქნება.

მომხსენებელი – გუსტავო ბალმასედა ჰოიოს სალამანკას უნივერსიტეტის სამართლის დოქტორი (ესპანეთი), სისხლის სამართალში, ჩილეს სამართლის შემსწავლელთა ცენტრის აკადემიური დირექტორი, ადვოკატი სისხლის სამართლის სპეციალიზაციით, 40 მდე სამეცნიერო პუბლიკაციის ავტორი.

შეხვედრაში მონაწილეობას მიიღებენ სამეცნიერო წრეების და უნივერსიტეტების წარმომადგენლები, ასევე პრაქტიკოსი იურისტები და ადვოკატები, როგორც საქართველოდან, ასევე ჩილედან.

დისკუსია გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

დისკუსიის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდზე.

დისკუსიაში მონაწილეობის მსურველები შეგიძლიათ დარეგისტრირდეთ აქ განთავსებულ სარეგისტრაციო ბმულზე  და გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.

 

2020 წლის 12 ნოემბერს, 12:00 – ზე „სამართლის მეცნიერთა კავშირის“ და საერთაშორისო სამეცნიერო ჟურნალ „სამართლის მაცნეს“ ორგანიზებით, საპილოტე პროექტ „ონლაინ სამეცნიერო დისკუსიების“ ფარგლებში  გაიმართა ონლაინ სამეცნიერო დისკუსია  თემაზე – „შინაპატიმრობა, როგორც საპატიმრო სასჯელის ალტერნატივა არასრულწლოვანთა მართლმსაჯულებაში.“ ეს გახლდათ რიგით მეორე დისკუსია.

ღონისძიება გაიმართება პლათფორმა ზუმის მეშვეობით.

მოხსენებები წარმოადგინეს,  სამართლის მეცნიერთა კავშირის წევრმა, პროფესორმა ქეთევან მჭედლიშვილი – ჰედრიხმა  (გერმანია) და ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორანტმა ქალბატონმა თამარ მახარობლიძემ. მოხსენებების შემდეგ გაიმართა დისკუსია. შეხვედრაში მონაწილეობა მიიღეს სამეცნიერო წრეების თვალსაჩინო წარმომადგენლებმა, უნივერსიტეტების, საქართველოს საკონსტიტუციო და სააპელაციო და  სასამართლოების, პროკურატურის, აღმასრულებელი ხელისუფლების, ასევე უფლებადამცველელი ორგანიზაციების წარმომადგენლებმა და   ადვოკატებმა.

დისკუსიის სრული ვიდეო ჩანაწერი შეგიძლია იხილოთ ბმულზე:

 

დისკუსიის სრული ვიდეო ჩანაწერი ასევე ხელმისაწვდომია ასევე სამართლის მეცნიერთა კავშირის ვებ-გვერდზე http://lscientists.com/

 

 

2020 წლის 12 ნოემბერს, 12:00 – ზე „სამართლის მეცნიერთა კავშირი“ და საერთაშორისო სამეცნიერო ჟურნალი „სამართლის მაცნე“, გიწვევთ სამართლის დარგის მეცნიერებს/მკვლევარებს, უფლებადამცველელ ორგანიზაციებს, ადვოკატებს, მოსამართლეებს, პროკურორებს და ამ თემით დაინტერესებულ სახელისუფლებო ორგანიზაციების  წარმომადგენლებს, ონლაინ სამეცნიერო დისკუსიაში მონაწილებისათვის თემაზე – „შინაპატიმრობა, როგორც საპატიმრო სასჯელის ალტერნატივა არასრულწლოვანთა მართლმსაჯულებაში.“დისკუსია გაიმართება პლათფორმა ზუმის მეშვეობით.

მომხსენებელები:

ქეთევან მჭედლიშვილი – ჰედრიხი – (ფრაიბურგი, გერმანია) სამართლის დოქტორი, პროფესორი, იენის ფრიდრიხ შილერის სახელობის უნივერსიტეტის ლექტორი, „სამართლის მეცნიერთა კავშირის“ და სამეცნიერო ჟურნალ „სამართლის მაცნეს“ სარედაქციო კოლეგიის წევრი.

თამარ მახარობლიძე – ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორანტი.

შეხვედრაში მონაწილეობას მიიღებენ როგორც სამართლის მეცნიერთა კავშირის წევრები, ასევე სხვა სამეცნიერო ორგანიზაციების, უნივერსიტეტების და სამეცნიერო წრეების წარმომადგენლები და პრაქტიკოსი ადვოკატები.

დისკუსია გაიმართება საპილოტე პროექტ „ონლაინ სამეცნიერო დისკუსიების“ ფარგლებში.

მიგვაჩნია, რომ პროექტი „ონლაინ სამეცნიერო დისკუსიები“ ხელს შეუწყობს სამართლის დარგში მნიშვნელოვანი სამეცნიერო კვლევების წარმოჩენას.

დისკუსიაში მონაწილეობის მსურველები შეგიძლიათ დაგვიკავშირდეთ ელფოსტაზე:  info@lscientists.com და  გამოგიგზავნით შეხვედრის ბმულს, რისი მეშვეობითაც შეძლებთ მონაწილეობას დისკუსიაში.

დისკუსიის სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის და ჟურნალ „სამართლის მაცნეს“ ვებ-გვერდზე.

 

დღის წესრიგი:

12^{00  –}  12⁰⁵

მისალმება – „სამართლის მეცნიერთა კავშირის“ თავმჯდომარე, საერთაშორისო სამეცნიერო ჟურნალ „სამართლის მაცნეს“ მთავარი რედაქტორი ზურაბ ჭყონია.

მოხსენებები

12^{05  –}  12²⁰

მომხსენებელი ქეთევან მჭედლიშვილი – ჰედრიხი – (ფრაიბურგი, გერმანია)

მოხსენების თემა – „არასრულწლოვანთა შინაპატიმრობისას ელექტრონული სამაჯურის გამოყენების პერსპექტივები“.

12^{20  –}  12³⁵

თამარ მახარობლიძე

მოხსნების თემა – „შინაპატიმრობის დანიშვნის სადავო საკითხები არასრულწლოვანთა მართლმსაჯულებაში.“

12^{35  –}  14³⁰

დისკუსია

14³⁰

ღონისძიების დახურვა

მოხარული  ვართ გაგიზიაროთ პრაღის სახელმწიფო უნივერსიტეტის ევროპული სამართლის კათედრის პროფესორ, ჰარალდ ქრისტიან შოის მილოცვა, რომელიც მან გამოუგზავნა “სამართლის მაცნეს” სარედაქციო კოლეგიის წევრს ბატონ გოჩა ოჩიგავას ჟურნალის გამოცემასთან დაკავშირებით. ბატონი გოჩა გახლავთ პრაღის სახელმწიფო უნივერსიტეტის კურსდამთავრებული.

ძვირფასო პროფესორო,

მსურს მოგილოცოთ თქვენ და თქვენს კოლეგებს ახალი, უაღრესად საინტერესო, საერთაშორისო ამბიციების მქონე აკადემიური ჟურნალის დაარსება. დარწმუნებული ვარ, ახალი ჟურნალი საკუთარ წვლილს შეიტანს სამეცნიერო კვლევების ინტერნაციონალიზაციაში და ევროპის აკადემიურ დაწესებულებებთან გაცვლითი პროექტებისთვისაც სარგებლის მომტანი იქნება. წარმატებას გისურვებთ როგორც თქვენ, ასევე, ჟურნალის რედაქტორებს და ველი შემდგომ თანამშრომლობას.

საუკეთესო სურვილებით,

ჰარალდ შოი.

ბატონი ჰარალდ ქრისტიან შოი გახლავთ ჟურნალის სარედაქციო კოლეგიის წევრი.

ჟურნალი „სამართლის მაცნე“-ს მიერ გამოცხადებული სტატიების კონკურსი  გრძელდება 2020 წლის 1 5 ნოემბრის  ჩათვლით.

ჟურნალი გამოდის ელექტრონული სახით და ქვეყნდება ვებგვერდზე: www.heraldoflaw.com

„სამართლის მაცნე“ გახლავთ  „სამართლის მეცნიერთა კავშირი“ ს პერიოდული გამოცემა.

ჟურნალს მინიჭებული აქვს საერთაშორისო გრიფი  ISSN 2667-9434.

რეფერირება და ინდექსირება

ჟურნალი რეფერირდება ინსტიტუტ ტექინფორმის ქართულ რეფერატულ ჟურნალში (ქრჟ).

ჟურნალი ინდექსირდება საერთაშორისო სამეცნიერო ბაზა ISI (International scientific indexsing) – ში.

კონკურსის თემატიკა

ჟურნალში გამოქვეყნებისთვის, კონკურსზე მიიღება სამეცნიერო სტატიები, აქტუალურ საკითხებზე, სამართლის, ადამიანის უფლებების და სახელმწიფო მართვის თემაზე, რომლებიც შეიცავენ მეცნიერულ სიახლეს და აქვთ მაღალი სამეცნიერო ღირებულება.

ავტორები

ჟურნალში გამოქვეყნებისთვის გამოცხადებულ კონკურსში, მიიღება სამართლის დარგის ქართველი და უცხოელი მეცნიერების/მკვლევარების და დოქტორანტების სამეცნიერო სტატიები.

გამონაკლის შემთხვევებში, კონკურსში მიიღება სხვა დარგის ავტორების სამეცნიერო სტატიები, ჟურნალის თემატიკაზე, მათი აქტუალობის, მნიშვნელობის და განსაკუთრებული სამეცნიერო ღირებულებების გათვალისწინებით.

სტატიების ენა

კონკურსზე შეიძლება წარმოდგენილ იქნას სამეცნიერო სტატიები ჟურნალში გამოსაქვეყნებლად, ქართულ, ინგლისურ, გერმანულ და რუსულ ენებზე (ინგლისურენოვან აბსტრაქტთან ერთად).

სტატიების წარმოდგენის ვადა

სტატიების წარმოდგენის ბოლო ვადაა 2020 წლის 15 ნოემბერი.

საავტორო უფლებები

ჟურნალი იცავს შემოსულ და გამოქვეყნებულ მასალებზე მატერიალურ, თუ არამატერიალურ საავტორო უფლებებს.

რედაქციის მიერ სტატიის გამოქვეყნების შესახებ გადაწყვეტილების მიღების შემთხვევაში, ავტორი ვალდებულია სტატიის გამოქვეყნებამდე ნაშრომზე განსაკუთრებული უფლება გადასცეს რედაქციას, რაც უნდა დაადასტუროს შესაბამის განცხადებაზე ხელმოწერით და რედაქციის მოთხოვნის შემთხვევაში შესაბამისი ლიცენზიის გადაცემით.

ლიცენზია არ გულისხმობს ავტორის არაქონებრივი უფლებების გადაცემას. ავტორებს უფლება აქვთ გადაამუშავონ საკუთარი ნაშრომები, თუმცა მათ ევალებათ, რომ ჟურნალი მიუთითონ როგორც პირველადი გამოცემის წყარო.

ჟურნალში ნაშრომები გამოქვეყნდება – creative commons ლიცენზიით ( CC BY CA).

აღნიშნული ლიცენზიის თანახმად შესაძლებელია ჟურნალში გამოქვეყნებული ნაშრომების გამოყენება ნებისმიერი, მათ შორის კომერციული მიზნებისათვის, მაგრამ წყაროს მითითების ვალდებულებით.

ამ ლიცენციით ნებისმიერი პირი უფლებამოსილია გააზიაროს, გაავრცელოს, გაუკეთოს რეპროდუქცია ჟურნალს და ჟურნალის ნაწილებს, მაგრამ ასევე წყაროს მითითების ვალდებულებით (მათ შორის ვებგვერდის მისამართის).

ჟურნალში გამოქვეყნებული მასალის ცვლილების შემთხვევაში აღნიშნულ პირებს ეკისრებათ ამ ცვლილების შესახებ მითითება.

ყველა ახალი ნაშრომი, რომელიც დაფუძნებული იქნება ამ ჟურნალში გამოქვეყნებულ მასალაზე, ლიცენზირებული უნდა იყოს იმავე პირობებით როგორც ჟურნალში მითითებული გამოყენებული მასალა.

ჟურნალში აღინიშნება creative commons ლიზენცის თაობაზე.

სტატიების მიღების წესი

კონკურსში მონაწილეობის მისაღებად, გთხოვთ სტატიები გამოაგზავნოთ შემდეგ ელექტრონულ ფოსტაზე: info@heraldoflaw.com.
სტატიის ატვირთვა და ჟურნალის ელ.ფოსტაზე გამოგზავნა შესაძლებელია ასევე ჟურნალის ვებგვერდზე.

ავტორი სტატიასთან ერთად, ასევე, აგზავნის მის შესახებ მოკლე ინფორმაციას და საკონტაქტო მონაცემებს, რომელიც შეინახება რედაქციის არქივში.

სტატია გამოგზავნილი უნდა იყოს დადგენილი სტატიების გაფორმების წესის შესაბამისად.

რედაქცია ამოწმებს წარდგენილი ნაშრომის შესაბამისობას, სტატიების გაფორმების დადგენილ წესთან.

რედაქცია არ მიიღებს და არ განიხილავს სტატიას, რომელიც არ იქნება ამ წესის დაცვით შესრულებული და რომელიც არ შეესაბამება სტატიების პუბლიკაციის ეთიკის სტანდარტებს. რედაქტორს, ასეთ შემთხვევაში, თუ საჭიროდ და შესაძლებლად ჩათვლის რეცენზენტებთან გაგზავნამდე, შეუძლია ავტორს მისცეს რეკომენდაციები და შესთავაზოს სტატიის გაფორმება დადგენილი წესის შესაბამისად, რისთვისაც მას განუსაზღვრავს დროს. ავტორის მიერ რედაქციის რეკომენდაციების სრულად გათვალისწინების შემთხვევაში, სტატია მიიღება განსახილველად.

სტატიის ჟურნალის რედაქციაში გამოგზავნით, ავტორი ადასტურებს, რომ ის გაცნობილია და ეთანხმება ჟურნალის სტატიების პუბლიკაციის ეთიკას, კონცეფციას, კონკურსის ჩატარების და სტატიების გაფორმების წესს.

ავტორმა, ჟურნალში სტატიის გამოქვეყნებამდე, საკონტაქტო ინფორმაციის შეცვლის შემთხვევაში, დროულად უნდა აცნობოს მისი ახალი საკონტაქტო ინფორმაცია. წინააღმდეგ შემთხვევაში, ნებისმიერი შეტყობინება გაიგზავნება თავდაპირველ ელექტრონულ მისამართზე ან მის საკონტაქტო ტელეფონზე და ჩაითვლება ჩაბარებულად.

რედაქციის პასუხისმგებელი თანამშრომელი თავად დაუკავშირდება სტატიის ავტორს (რამდენიმე ავტორის მიერ წარმოდგენილი სტატიის შეთხვევაში კი ერთ -ერთ ავტორს).

სტატიების განხილვის წესი

ავტორის მიერ გამოსაქვეყნებლად წარდგენილი სტატია, შესაფასებლად, ეგზავნება ორ რეცენზენტს, რომელსაც ირჩევს მთავარი რედაქტორი ან მისი დავალებით რედაქტორი.

რეცენზირება ხდება სტატიის რეცენზირების დადგენილი წესის თანახმად.

სტატიის რეცენზირება წარმატებით გავლილად მიიჩნევა, ორივე დადებითი რეცენზიის მიღების შემთხვევაში.

კონკურსის შედეგები

ჟურნალში გამოქვეყნდება ის სტატიები, რომლებიც მიიღებენ ყველაზე მაღალ ქულებს რეცენზირების შედეგად.

ჟურნალში გამოქვეყნდება სულ 15 სამეცნიერო სტატია.

სტატიების კონკურსს მიღმა დარჩენილი ნაშრომები, მათი ავტორების თანხმობის შემთხვევაში, მიიღებენ მონაწილეობას შემდეგ გამოცემისთვის გამოცხადებულ სტატიების კონკურსში. ამისთვის ავტორებს აღარ დასჭირდებათ თავიდან ამ სტატიების რედაქციაში გამოგზავნა. ასევე, აღნიშნული სტატიები აღარ გაივლიან რეცენზირებას და მათ უნარჩუნდებათ წინა კონკურსში რეცენზენტების მიერ შეფასებული ქულები.

დამატებითი ინფორმაციისთვის დაგვიკავშირდით: მობ. 599177573; ელ-ფოსტა: info@heraldoflaw.com

 

2020 წლის 21 ოქტომბერს 12 საათზე  „სამართლის მეცნიერთა კავშირის“ ორგანიზებით გაიმართა  ამავე კავშირის გამოცემა – საერთაშორისო სამეცნიერო ჟურნალ  „სამართლის მაცნეს“ წარდგენის ღონისძიება პლათფორმა ზუმის მეშვეობით.

ღონისძიებაზეე ასევე მოხდა ჟურნალის პირველი ნომრის წარდგენა.

აღნიშნულ ნომერში გამოქვეყნებული სტატიების ავტორებმა წარადგინეს საკუთარი ნაშრომები.

ღონისძიებას ესწრებოდნენ სამეცნიერო ორგანიზაციების, უნივერსიტეტების და სამეცნიერო წრეების თვალსაჩინო წარმომადგენლები, ასევე საკონსტიტუციო და უზენაესი სასამართლოს მოსამართლეები.

შეხვედრა გაიმართა გულთბილ და მეგობრულ ვითარებაში.

შეხვედრის მონაწილეებმა ისაუბრეს „სამართლის მაცნეს“ გამოცემის მნიშვნელობაზე და მაღალი შეფასება მისცეს ჟურნალის პირველ ნომერს. მათ ასევე დაადასტურეს სამართლის მეცნიერთა კავშირთან და ჟურნალ „სამართლის მაცნესთან აქტიური თანამშრომლობის მზაობა.

წარდგენის ღონისძიების ვიდეოჩანაწერი იხილეთ აქ:

 

 

ჟურნალ „სამართლის მაცნეს“ სარედაქციო კოლეგიას ცნობილი ამერიკელი მეცნიერი ბატონი ვინსენტ რ.ჯონსონი შემოუერთდა.

ბატონი ვინსენტ რ.ჯონსონი გახლავთ ტეხასის შტატის სენტ მერის უნივერსიტეტის სამართლის სკოლის დამსახურებული პროფესორი, ამერიკის ინსტიტუტის წევრი, ასევე დისციპლინალური წესების და რეფერენდუმების კომიტეტის წევრი (დანიშნულია უმაღლესი სასამართლოს მიერ) და ამერიკის იურიდიულ სასწავლებლების პროფესიული პასუხისმგებლობის ასოციაციის აღმასრულებელი კომიტეტის წევრი.

ბატონი ვინსენტ რ.ჯონსონი 2016 წლიდან არის სამართლის მეცნიერთა კავშირის წევრი.

მისი ნაშრომები ციტირებულია 210 – ზე მეტ საკანომდებლო მიმოხილვაში, 65 ფედერალურ და სახელმწიფო სასამართლოს გადაწყვეტილებებში, ასევე სხვადასხვა ტრაქტატებში. მისი წიგნების სწავლა სავალდებულოა 40 -ზე მეტ ამერიკულ სამართლის სკოლაში.

ვულოცავთ ბატონ ვინსენტ რ. ჯონსონს „სამართლის მაცნეს“ სარედაქციო კოლეგიის წევრობას. დარწმუნებული ვართ, რომ ბატონი ვინსენტ რ. ჯონსონის თანამშრომლობა ჟურნალის სარედაქციო კოლეგიისათვის დიდი შენაძენი იქნება.

მოხარული  ვარ, რომ ჩემი ყურადღება მიიქცია 2020 წლის ივლისის „სამართლის მაცნეს“ პირველმა გამოცემამ და მინდა მივულოცო „სამართლის მეცნიერთა კავშირს“ ასეთი მიღწევის გამო.

ონლაინ ჟურნალის დაფუძნება საქართველოში დიდი წამოწყებაა და, ჩემთვის უდიდესი პატივია მონაწილეობა მივიღო და საკუთარი წვლილი შევიტანო ამ ჟურნალის მუშაობაში როგორც სარედაქციო კოლეგიის წევრმა ბევრ ქართველ მეცნიერთან ერთად,  რომელთაგან ზოგიერთს კარგად ვიცნობ პირადად. რეცენზირებადი ჟურნალის იდეა  წინ გადადგმული მნიშვნელოვანი ნაბიჯია, ვინაიდან, იგი გათვლილია არა მხოლოდ ქართველ, არამედ, უცხოელ სამართლის მეცნიერებზე, ჟურნალის საერთაშორისო და მულტილინგვისტური ხასიათიდან გამომდინარე. ის არა მხოლოდ საქართველოს ევროპისკენ ინტეგრაციას შეუწყობს ხელს, არამედ, დაეხმარება სხვა სამართლის სისტემებს აიღონ მაგალითი საქართველოსგან. ეს კი შემდგომში საქართველოს საერთაშორისო ინტეგრაციასა და შედარებითი სამართლის განვითარებას შეუწყობს ხელს. დამატებით, „სამართლის მაცნე“  შექმნის და განავითარებს  ქართულ  პლატფორმას გაცვლითი პროექტებისთვის აკადემიურ სფეროში.

რამდენიმე წლის წინ განვახორციელეთ  მსგავსი პროექტი, კერძოდ,  გერმანულ-ქართული სისხლის სამართლის ჟურნალი (DGStZ), რომელიც ორიენტირებული იყო გერმანული და ქართული სისხლის სამართლის შედარებითი ანალიზზე. ეს ჟურნალიც ონლაინ იყო გამოცემული. თუმცა, „სამართლის მაცნე“ უფრო მეტს ნიშნავს, ის მოიცავს სამართლის ყველა სფეროს და გაცილებით მეტად  არის ორიენტირებული საერთაშორისო მასშტაბზე.

ჟურნალის პირველი გამოცემა შვიდ წარმატებულ სტატიას მოიცავს, რომლებიც მნიშვნელოვან სამართლებრივ საკითხებს შეეხება. სტატიები უმეტესად ახალგაზრდა სამართლის მეცნიერთა მიერაა დაწერილი და ნამდვილად ღირს ამ შესანიშნავად შესრულებული ნაშრომების წაკითხვა. დარწმუნებული ვარ, რომ ეს მხოლოდ დასაწყისია და „სამართლის მაცნეს“ შემდგომი გამოცემები გაცილებით მეტ საინტერესო სტატიებს შემოგვთავაზებს, რომლებიც მსოფლიო მასშტაბით იქნება ხელმისაწვდომი და წაკითხვადი.

გილოცავთ!

 

სამართლის დოქტორი, თიუბინგენის უნივერსიტეტის პროფესორი,

ბერნდ ჰაინრიხი

სამართლის მეცნიერთა კავშირის ორგანიზებით დაიწყო საპილოტე პროექტი „ონლაინ სამეცნიერო დისკუსიები“, რომლის მიზანია სამართლის მეცნიერების განვითარების ხელშეწყობა სამართლის სფეროში გამოქვეყნებული ან გამოსაქვეყნებელი სამეცნიერო ნაშრომების (სტატია, დისერტაცია, მონოგრაფია, სახელმძღვანელო) პრეზენტაცია – სამეცნიერო დისკუსიის გზით.

აღნიშნული პროექტის ფარგლებში 2020 წლის 28 სექტემბერს პირველი დისკუსია გაიმართა ზუმის ფორმატით თემაზე „თანამონაწილეობის სუბიექტური შემადგენლობის პრობლემური ასპექტები ქართულ და  ამერიკულ სისხლის სამართალში“. შეხვედრაში მონაწილეობა მიიღეს როგორც სამართლის მეცნიერთა კავშირის წევრებმა, ასევე სხვა მეცნიერებმა, პრაქტიკოსმა ადვოკატებმა და სტუდენტებმა.  მონაწილეებმა მოისმინეს  სამართლის მეცნიერთა კავშირის წევრის, ბატონი კახა წიქარიშვილის მოხსენება, რის შემდეგაც გაიმართა დისკუსია.

მონაწილეებმა იმსჯელეს სისხლის სამართლის თეორიასა და პრაქტიკაში არსებულ ისეთ პრობლემურ საკითხებზე, როგორიცაა ევენტუალური განზრახვით თანამონაწილეობის შესაძლებლობა, გაუფრთხილებლობის პრობლემა თანამონაწილეობისას, ე.წ. ნეიტრალური ქმედებით დახმარების და ამსრულებლის ექცესის საკითხები.  შეხვედრის მონაწილეებმა ერთმანეთს გაუზიარეს თანამონაწილეობის პრობლემასთან დაკავშირებული ხედვები და ამ პრობლემების გადაჭრის გზები. შეხვედრის დასასრულს სამართლის მეცნიერთა კავშირის თავმჯდომარე ზურაბ ჭყონიამ აღნიშნა რომ აღნიშნული ფორმატით დისკუსია პირველად ტარდება და მსგავსი სამეცნიერო დისკუსიები სამართლის მეცნიერთა კავშირის ორგანიზებით მომავალში აუცილებლად გაგრძელდება. აღნიშნული დისკუსიის ვიდეო ჩანაწერი შეგიძლიათ იხილოთ ლინკზე:https://www.youtube.com/watch?v=AAbmSk5Fe8U&t=198s

სამართლის მეცნიერთა კავშირი სთავაზობს შესაძლებლობას აძლევს და სთავაზობს სამეცნიერო ნაშრომების ავტორებს სადისკუსიოდ წარმოადგინონ საკუთარი ნაშრომები, რომელთა აქტუალობის,  პრაქტიკული და სამეცნიერო მნიშვნელობის შეფასების შემდეგ სამართლის მეცნიერთა კავშირი მიიღებს გადაწყვეტილებას სამეცნიერო დისკუსიის მოწყობის თაობაზე. ვიმედოვნებთ რომ აღნიშნულ პროექტში მონაწილეობით დაინტერესდებიან სამართლის სხვადასხვა დარგის როგორც ახალგაზრდა, ასევე გამოცდილი მკვლევარები.

ასეთივე შესაძლებლობა ეძლევა ჟურნალი “სამართლის მაცნეს” ავტორებს.

მიგვაჩნია, რომ პროექტი ხელს შეუწყობს სამართლის დარგში მნიშვნელოვანი სამეცნიერო კვლევების წარმოჩენას.

დისკუსიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის ვებ-გვერდზე.

სამართლის მეცნიერთა კავშირის ორგანიზებით იწყება საპილოტე პროექტი „ონლაინ სამეცნიერო დისკუსიები“, რომლის მიზანია სამართლის მეცნიერების განვითარების ხელშეწყობა სამართლის სფეროში გამოქვეყნებული ან გამოსაქვეყნებელი სამეცნიერო ნაშრომების (სტატია, დისერტაცია, მონოგრაფია, სახელმძღვანელო) პრეზენტაცია – სამეცნიერო დისკუსიის გზით.

გაცნობებთ, რომ ორშაბათს, 28 სექტემბერს, 12:00 ზე სამართლის მეცნერთა კავშირის ეგიდით გაიმართება ონლაინ დისკუსია თემაზე „თანამონაწილეობის სუბიექტური შემადგენლობის პრობლემური ასპექტები ქართულ და ამერიკულ სისხლის სამართალში“.  შეხვედრაზე წარმოდგენილი იქნება ქართული და ამერიკული სამართლის შესაბამისი ასპექტების შედარებითი მიმოხილვა, რის შემდეგაც გაიმართება დისკუსია. მონაწილეობის მსურველები შეგიძლიათ დაგვიკავშირდეთ მეილზე  info@lscientists.com და გამოგიგზავნით შეხვედრის დღის წესრიგს და ზუმის ლინკს, რისი მეშვეობითაც შეძლებთ მონაწილეობას დისკუსიაში.

სამართლის მეცნიერთა კავშირი სთავაზობს სამეცნიერო ნაშრომების ავტორებს სადისკუსიოდ წარმოადგინონ საკუთარი ნაშრომები, რომელთა აქტუალობის,  პრაქტიკული და სამეცნიერო მნიშვნელობის შეფასების შემდეგ სამართლის მეცნიერთა კავშირი მიიღებს გადაწყვეტილებას სამეცნიერო დისკუსიის მოწყობის თაობაზე. ვიმედოვნებთ რომ აღნიშნულ პროექტში მონაწილეობით დაინტერესდებიან სამართლის სხვადასხვა დარგის როგორც ახალგაზრდა, ასევე გამოცდილი მკვლევარები.

მიგვაჩნია, რომ პროექტი ხელს შეუწყობს სამართლის დარგში მნიშვნელოვანი სამეცნიერო კვლევების წარმოჩენას.

დისკუსიების სრული ვიდეო ჩანაწერი ხელმისაწვდომი იქნება როგორც youtube -ზე, ასევე სამართლის მეცნიერთა კავშირის ვებ-გვერდზე.

დღის წესრიგი                               

28 სექტემბერი, ზუმის პლატფორმა

12:00-12:15 –      შეხვედრის გახსნა, მონაწილეთა მისალმება

ზურაბ ჭყონია, სამართლის მეცნიერთა კავშირის თავმჯდომარე

12:15-13:15         თანამონაწილეობის სუბიექტური შემადგენლობის პრობლემური ასპექტები ქართულ და ამერიკულ სისხლის სამართალში.

კახა წიქარიშვილი, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორანტი, სამართლის მეცნიერთა კავშირის წევრი.

13:15-14:50         დისკუსია

14:50                     შეხვედრის შეჯამება

დღეიდან სამეცნიერო ჟურნალი „სამართლის მაცნე“ მსხვილ საერთაშორისო სამეცნიერო ბაზა  ISI (International scientific indexsing) – ში ინდექსირდება.

ვულოცავთ ჟურნალის საერთაშორისო წარმატებას გამომცემელი ორგანიზაციის „სამართლის მეცნიერთა კავშირის” წევრებს, ჟურნალის სარედაქციო კოლეგიას, რედაქტორებს, ავტორებს და იურიდიულ საზოგადოებას!

როგორც მოგეხსენებათ ISI გახლავთ სერვერი რომელიც ახდენს წამყვანი საერთაშორისო სამეცნიერო ჟურნალების ინდექსირებას. შემდგომში ISI უზრუნველყოფს „სამართლის მაცნეს“ იმპაქტ-ფაქტორის გამოთვლას.

ISI ასევე უზრუნველყოფს ღია წვდომის ხარისხიანი ჟურნალების ხელმისაწვდომობას. სერვერმა უნდა მოიცვას ღია წვდომის ყველა სამეცნიერო ჟურნალი, რომლებიც იყენებენ ხარისხის კონტროლის შესაბამის სისტემას.

ჟურნალი „სამართლის მაცნე“ აქტიურად აგრძელებს მუშაობას სხვა მაღალ რეიტინგულ საერთაშორისო სამეცნიერო ბაზებში ინდექსირებისა და იმპაქტ-ფაქტორის მოპოვებისათვის, ვინიდან სწორედ ჟურნალის საერთაშორისო სამეცნიერო ბაზებში ინტეგრაცია  ხელს შეუწყობს ჟურნალის პოპულარიზაციას, სამართლის დარგში მნიშვნელოვანი სამეცნიერო კვლევების წარმოჩენას,  ქვეყნის და საერთაშორისო საზოგადოებისათვის გაცნობას და აღნიშნული კვლევების საერთაშორისო ინტეგრაციას.

ISI – ს ვებგვერდი:  https://isindexing.com/isi/journaldetails.php?id=14343

ვულოცავ ქართულ იურიდიულ საზოგადოებას ახალი სამეცნიერო ჟურნალის – „სამართლის მაცნეს“ გამოცემას.

მიმაჩნია, რომ დამოუკიდებელი არასამთავრობო ორგანიზაცია, „სამართლის მეცნიერთა კავშირის“ ბაზაზე არსებული საერთაშორისო სამეცნიერო ელექტრონული ჟურნალი, უდავოდ, დიდ წვლილს შეიტანს ქართული სამართლის განვითარებაში. „სამართლის მაცნეს“ აკისრია მისია, იყოს ერთგვარი ფორუმი, რომელიც გააერთიანებს დამოუკიდებელ და მიუკერძოებელ სამართლის ექსპერტებს, შექმნის სივრცეს მათი მეცნიერული ნააზრევის პრეზენტაციისა და საჯარო დისკუსიისათვის. ვფიქრობ, რომ „სამართლის მაცნეს“ გამოცემა იქნება მნიშვნელოვანი პლატფორმა, რომელიც განაპირობებს სამართლის დარგში ინოვაციური სამეცნიერო იდეების წარმოჩენასა და გააზრებას, ასევე, ხელს შეუწყობს ქართულ სამართალში თანამედროვე საერთაშორისო მიღწევების დანერგვას.

ჟურნალის გამოცემა, წაახალისებს და განავითარებს კრიტიკულ აზროვნებასა და დისკუსიის კულტურას საქართველოში, მკაფიოდ წარმოაჩენს სამართლის სფეროში სამეცნიერო და პრაქტიკული კვლევების მნიშვნელობას. ვუსურვებ, ჟურნალის რედაქციას წარმატებულ საქმიანობას, რათა „სამართლის მაცნემ“ მოიპოვოს საერთაშორისო აღიარება და დაიმკვიდროს ადგილი სხვა მნიშვნელოვან იურიდიულ გამოცემათა შორის.

სამართლის დოქტორი, პროფესორი,

საქართველოს საკონსტიტუციო სასამართლოს თავმჯდომარე

მერაბ ტურავა